Ég fékk þessa hugmynd þegar að ég var að horfa á heimildamynd sem heitir UseLess. Eftir að hafa horft á myndina fór ég beint í fataskápinn minn og fór að kíkja á fötin mín og hvar þau eru framleidd. Ég sá á lang flestum að þau væru búin til í Kína en það segir mér ekki margt, er það búið til af börnum sem eru þrælkuð eða er það búið til að vel borguðu fullorðnu fólki. Þarna hefði ég viljað hafa svona síðu til þess að kíkja á, fólk er ekki meðvitað um hvaða fatamerki eru ekki sjálfbær, eru með þrælkun, eru umhverfisvæn og gefi góð vinnuskilyrði.

​

Til að finna út hvaða fatamerki eru vinsælustu hjá ungmennum á Íslandi framkvæmdi ég rannsókn þar sem tæplega 200 ungmenni svöruðu því hvert væri þeirra uppáhalds fatamerki. Rannsóknin sýndi einnig að 67,5% þátttakenda myndi nýta síðu eins og þessa væri hún til.

​

Meðan ég var að vinna að því að setja upp síðuna þá kom fram vefsíða og smáforit (app) sem kallast "Good on you" og er hún byggð á hugmynd sem er lík minni. Ég leitaði að upplýsingum um sum fatamerkin fyrir síðuna þangað. Ég vil hvetja alla til að nýta þá síðu til að leita að fatamerkjum sem ekki koma fram á þessari síðu. 

https://goodonyou.eco/

​

Andrea Ösp Hanssen 

13 ára